مشكلة في حيــــــــــــاتي

السلام عليكم ورحمة الله وبركاته

اعزائي الاعضاء

احببت ان اقدم هذا الموضوع واتمنى ان ينال استحسانكم

فكرة الموضوع تكمن في

استضافة عضو ليوم واحد

ونطلب منه التحدث عن مشكله صادفته في حياته

وقد نستطيع نحن الاعضاء مساعدته في ايجاد الحل المناسب

او قد نضيف بعض التعليقات على مشكلته

طبعا مدة الاستضافه ستكون ليوم واحد فقط

واذا تعذر على العضو كتابة مشكلته في نفس اليوم يستطيع الطلب منا ان ننتظر قليلا

ونسطيع ان نمدد فترة استضافته ليوم اخر

اتمنى ان تكون الفكره واضحه للجميع

والان يسرني ان استضيف

عضو متميز ونشيط

ملك في برامج الكومبيوتر والموبايل والانترنت

صاحب حضور متميز

وصاحب روح ملاطفه ومحبوبه

يسرني ان استضيف الاخ العزيز

azooz_for_love

اهلا وسهلا بيك ويانه بموضوعنا لهذا اليوم

تفضل معانا وتحدث عن مشكله معينه مرت في حياتك

ونتمنى من كل الاعضاء التفاعل معنا والوقوف بجنب اخونا العزيز عزوز

يللا عزوز وين صرت

كلنا كاعد ننتظرك تجي وتحجي

ممكن تتفضل وتلبي دعوتنا؟

والله المشكله ابحياتي كثيررررررررر وصعبه تنكال بس راح احجيلكم وحده

من مشاكلي ولي هيه عن موضوع حبي ابنت



هاي بنت من كرايبنه حبيته وانا كنت اصغير حبيته من كل كلبي

ومحد يكدر ايحبه مثلي استمرت حبي اله 3 سنين بس هل الحب كاتم عليه مصارحته ابحياتي

ولا مره ولا كلتله عن مشاعري اتجاها بس كنت انوهلها اني احبه مجرد تلميحات

وفجأه اكتشفت انو هيه اتحب شخص غيري لما اعرفت هيه اتحب شخص غير

ادمرت بهذاك اليوم ما احس ابنفسي وضليت معزول عن الكل

وبعدين اتغاضيت عن الموضوع وكلت عادي مع رغم كل هذه اني احبها

ما بيدي شي اكله وله اسوي شي بس هيه الحيات هيج

وبعد هذه ضليت احبه من كل كلبي ولا مره فكرت اضحك عليه او اسوي

شي ايضره بل عاهلا وسهلا فيكم بمنتدى البازي كل الي تطلبه اسويلهيا وبعدين ضليت ساكت الى ان اجه يوم

صارحته بل موضوع وكلتله عن حبي اله وصار حجي

بعد فتره اهلي درو ابحبي اله امي درت وبعدين ابويه ابويه الصراحه مجان

ايريده او ميرغبه ما اعرف ومنعني من عده وهاي القصه مالتي بعد بيه تكمله بس اعذروني ما اكدر اكمل

وللعلم هيه من كرايبي

بصراحه عزوز قصتك مؤثرة وبيها الم اكيد

وعلى العموم يعني كل شخص بينا مر بحياته بتجربه معينه ممكن تاذيه وممكن تخليه يكون مجروح فتره طويله

بس الاهم من كل هذا انو لازم يكون تعلم من تجربته هاي وبنفس الوقت يكسب منها خبره ويكون اقوى حتى التجارب الجايه يكون قوي كفايه حتى يواجه

وحتى والدك يجوز اله نضرة معينه تختلف عن نضرتك انت..لان الكبار همه خبرتهم اكثر من عدنا ويجوز ينضر نضره بعيده جدا اكثر مما ننضرلها احنا ف لازم تعذر والدك لعدم موافقته على البنيه

واني اعرف يجوز تكملة قصتك صعبه ايضا ..بس الانسان لازم ما يخلي تجربه بحياته توقفه وتخليه ما يكمل

لا بالعاهلا وسهلا فيكم بمنتدى البازي لازم تكون حافز اله انو يكوم مره لخ ويستمر ويدور على شي جديد بحياته وبنفس الوقت يكدر يعيش ويستمر

وان شاء الله يارب تنسعد وجرحك يلتئم ويعوضك رب العالمين بحياة جديده ويمكن حب جديد وانسانه جديده تتمنى لو كنت

تعرفها من زمان وحبيتها من زمان وراح يجي يوم وتتذكر كلامي وتكول ياريت العمر اللي فات ما مر عليا وياريت لو كان الحب الجديد موجود من زمان

اتمنى انو نبدي سويه ونفتح صفحه جديده بحياتنا ونخلي بدايتها امل وطموح ومستقبل وصدكني اخويه العزيز الانسان هو يصنع سعادته بايده مو السعاده تجي علينا والايدينا

وان شاء الله نسمع اخبار حلوه عنك وان شاء الله يجي اليوم اللي فترحنا باخبار حلوه


اتمنى اكون ما طولت عليك بكلامي

واتمنى اكون قد افدتك بشيء

تقبل مروري وردي المتواضعيين

ان شاء الله يا رب تلاكي حياة جديده وسعاده جديده في مكان ثاني

وطبعا رائي زووم هو انو تعرف الاسباب فقط حتى لا يجي يوم تسال نفسك ليش ما وافق وشنو السبب وليش وصلت الهالمرحله

وطبعا انت هالموضوع متعلق بيك انت...اذا تحس نفسك خلص سديت الموضوع ونسيته وما راح يرجع ياثر على نفسيتك ..ف معناها ما حاجه تسال فعلا

اتمنالك الموفقيه بحياتك الجايه والسعاده الدائمه يارب

تقبل مروري 

الف شكر الك عزوز على الاستجابه للدعوه

فعلا اسعدتنا الاستضافه ويارب ان شاء الله كدرنا نحاول نساعدك ولو باي طريقه حتى لو كانت بسيطه

نتمنى انو ارتاحيت ويانه وقدرنا نخفف عنك ولو شويه

والف شكر لكل الاعضاء اللي شاركونا بالموضوع وكدرو يتفاعلون ويه عزوز


وانتظرونا مع عضو جديد

يسعدني ويشرفني

ان استضيف

عضوه

لطيفه وحلوه واموره

اغنت المنتدى بمواضيع مختلفه

صاحبه ضحكه حلوه ورائعه

وصاحبة دم خفيف كلش كلش

يسعدني ان استضيف

الغاليه

شموسه

اهلا وسهلا بيج حبيبتي بموضوعنا

ممكن تحجيلنا عن مشكله معينه مرت عليج بحياتج

واحنا نحاول مع بعض نساعدج او نقدملج بعض النصائح البسيطه

اللي ممكن تساعدج بشي او نخفف عنج شويه

ويللا احنا بانتضارج تتحدثيلنه عن مشكلتج

الى رحمة الله

ميخالف حبيبتي شموسه

هاي الدنيا هيجي

كلنا ما ندري شنو راح يصير بينا باي وقت

الحمد لله على كل حال

وشكرا حبيتبي على طرح مشكلتج

تقبلي مروري المتواضع

اي عزوز طبعا تكدر تستضيف انت هم اي عضو

بس خلي ننتظر يخلص اليوم مالت شموسه

وانت وراها باجر استضيف واحد على راحتك

ويدلوو

وشكرا على الاهتمام يا ورده

الف شكر الك عزوز على الاستضافه

واني كلش اعتذر منك ومن كل الاعضاء على ردي المتأخر ..لان ابتعدت شويه عن المنتدى وهسه رجعت

واني يشرفني البي هالدعوه الحلوه من اخ عزيز علينا كلنا

وهسه راح احجيلكم على مشكله بحياتي...ولو مشاكلي كووووووووووووووووومه ولو اكعد احجي بيهم ما تخلص ابدا

بس ان شاء الله احجيلكم على مشكله معينه بحياتي وغيرت حياتي تغيير جذري