فدوة لعيونك

كلهم فدوه لعيونك يروحون = لأن مابيهم اليرهم عليه

أطالع بيك بلوى ودخت وياك = عسل خو مو عسل تكطر بديه

أحنه بروح وحده اثنينه نعيش = إذا جفنك غفه نغمض سويه

وإذا جتنه المنيه أثنينه نروح = لأن أحنه سوه حلوه المنيه

أقدم روحي الك ورده وشمعتين = وأتيهك بالورد والكاك بيه

يبو عيون العسل خليني وياك = شسوي أرجع بعد للناصريه

أكلك ميت انه شلون أحاجيك؟ = تكلي شلونك!! !!شخليت بيه

أنت منين أجيت وين طبيت؟ = نسيت أسمي وعلي وتاهت عليه

سبحانه الجليل الصايغ العين = والف رحمه عله أبوك لهالعطيه

هديه ومو مهم منين جابوك = بس أنهجم بيتك من هديه

يعمي إنهجم بيتك من هديه