الرئيسية
البنيه من تطلع ويه امها (للسوگ او لمنطقه معينه او دكتورة)
فقبل لا تطلع شتسوي::-
تروح تبدل هدومها تلبس وين الشي الضيق (مو كل اصابيعي سويه ادري) ، (ادري الجاي ادري عيوني المن اادره) ورى متلبس هدومها تروح كبال المغسله تنگع شعرها المگطرف تغرگه بالمي (مي عز الدين) گولوا خلصنا من الشعر عاد تبدي هنا المعاناة تدرون ليش ؟؟؟
راح تگعد تتمكيج تجيب وتحط بهالالوان عبالك گاعده تلبخ بحايط ما احجيلكم عن الاحمر والاخضر يعني بين قوسين يطلع وجهها قوس قزح أو ترفك لايت(اشارات مروريه)وتحط لون فوك لون عبالك كاعدة بالمرسم الصغير
وراها تروح لامها ماما ماما (شوي بيها نزاكه مال لواگه لانه عدها شغله يم امها)
مام عفيه احنه منا نروح وحدنا مو تخلين اخويه يوصلنا
الامايه : ووجع شبيج
(هذا الحجي وياه عقجه بالوجه ومد الخشم شوي ليكدام) تخيلوا شكلها
ولج ثولة مو عدنا سيارة ليش حرامات فلوس التكسي
ماما ماما اني انطيج فلوس التكسي
هسه عفيه احنه نروح مو ؟؟؟
الامايه : كَبررر (هاي الامايه اني معليه)
والله گولوا طلعوا من البيت بعد رزاله من الاب (ليش متخلون اخوج يوصلكم هذا عنوان الرزاله ... رزاله لو ايميل)
كولو وصلوا لراس الشارع
فات ابو سيارة الامايه اشرتله جان البنيه جرت ايدها
ماما اؤؤؤؤؤؤؤؤؤؤي هذا شايب
الامايه: انجبي ولج عبالي بيها شي
ورى شويه ويجيلك ابو سيارة مرتبة صاكَه ( جمبازيه ) هاي كلمه بس السواق يعرفوها
لزكهم بـ طاط طاط ورماش
اي ماما هذا عفيه
يابا للمنصور يم سهام العبيدي مادري شعدهن يم سهام العبيدي الكل تلكاهن اهناك
اي يمه صعدي (خوش ولد فقير)
الام :شكد يمه الكروة
ماما ماما لاتكولين كروة عيب ........ كولي مووني
الام اندارت عليها وكالتلها انجبي ولج خلي نتفاهم
عاد الولد جاوبها : بكيفج يمه (خطيه شكد فقير)
البنيه كمزت تريد تكعد ورة السايق
والله صعدوا كعدت ورة السايق والامايه هم ليوره
المهم مشت السياره
والعينتين راسا عدل علمرايه علمود يباوع زين
والبنيه رأسا بدت تعدل باللوامس مالتها (اللوامس مصطلح يطلق على شارب الصرصر) بس هيه البنيه عدها الكذله مالتها تنزلها منا ووتجيبها منا
هيه ذابحة روحها بالتعديل وهوة شغل هيثم يوسف (اضعف كدامك بس انت... )
هيه تعدل باللوامس وهو كل شوي يعدل بالمرايه (علمود يحسسها انه هو ديباوع عليها) وهيه مغلسه تسوي نفسها متشوف )
الامايه صاحت هنـــــــــا يمك الولد اخترع كال ها يمه اي اي اي
هو بيا عالم جان
(حاير شلون يذبله الرقم)
والله نزلوا والولد مذب الرقم .........
همه سدوا الباب وهو لزكها ببطناش قوي (عود صار عصبي )
والله نزلوا
اي هسه نزلو الامايه وبنتهه هذوله ولد ديمشون بالشارع
عاد همة ديباوعون عليها ويكصون بيها وهية مكيفة عبالها معجبين بالجمال القاتل الي تتنفخ بية ع الولد الي بالمنتدى مالتها
والله كولوا ديمشون ولان البنيه صابغه وجها صبغ بالفسفوري فالي يفوت من الولد يظل يباوع هالاشعاع النووي منين
بس هية البنية مشغلة العداد مالتها عود شكم واحد ايباوع عليها
ووية الفسفوري والشعر المكفش وصوت السلاسل والتراجي الي علساس غركانة بالذهب
وهوة كلة شبة ابو الالف وربع ووية صوت الكعب مال الحذاء الي يجقجق طول ماهية تمشي
بية فاكيد لازم الولد يباوع هالمخلوق الفضائي منين
بس هية شكو واحد يباوع بغض النظر عن السبب اتضيفة للعداد مالتها مال المعجبين
والله لهناك والبنيه ماما ماما شوفي هذا شكد حلو
الامايه : منو ؟؟؟ (بس ويها صيحه واستغراب)استغراب لو عصفور
باعيه (طبعا هاي بتنعوص تدلع )
الامايه : لج منو ؟؟
مساري ماما شبيج متشوفيه شكد حلو يمه صدقه لالله
ماما عفيه خلي نشتريه
الامايه :امشي ولچ تأخرنا هسه ابوچ يرزلني
ماما هستونه نزلنه من السيارة
الامايه :اشششششششششش لا تلغين (شكد فشله )
دلغمت البنيه
لهناك ويشوفون تسجيلات ، ماما خلي اشتري كاسيت حسام الجديد
الامايه :لچ شگد لغيتي ترة نرجع
اهووووووووووو ماما لعد شنو جايين هنا
والله لهناك وتفوتلك زفه (عرس) البنيه انصدمت
مو اندعمت بسيارة لاع وجهها گام يضرب طلقات العفو گام يضرب الوان
ها شبيچ ؟؟؟ هاي الامايه سألتها ؟؟؟
لا هيج(هيج لو دجاجه) لا ماما ماكوا شي
اكلچ ماما شوفي العروس ؟؟؟ متگليلي شاف بيها واخذها دشوفيها
جكمه متكليلي شلون اخذها ؟؟؟ (مو احسن منج انتي مامبقية اسم ماخالتة بالمنتدى دلوعة وعصفورة و وجميلة الجميلات واحلاهن واتحداهن وماعرف شنو )
والله كولوا ضلوا يتمشون جان الامايه تشوف واحد يصيح
حاجه بربع حاجه بربع اي حاجه بربع
الامايه : امشي لچ تعالي خلي نروح
البنيه تجر بامها (ماما عيب شنو نشتري من هذي العالم شيكول عليه حسام اذا شافني (على اساس هيه الكبل مالته)
ماما مو تعرفين اني توب(اي توب مال نوم)
كولو رجعوا للبيت والبنيه الحسرة بنفسهه من ورة العرس وضلت تفكر بالعرس
ووراها رأسا تروح لصديقاتها النفاخات تهنبل براسهن اني كذا معجبين عينهم مانزلت مني وبالسوق صارت تظاهرة شبابية وانواع التصجيمات ومن هالسوالف مال سحالي
» نتائج المرحلة الاعدادية والمتوسطة لعام 2011_2012 في العراق
» دورة الحوكمة
» دورات الشحن والتفريغ
» دورات السكرتاريا الحديثة وإدارة المكاتب
» دورات الموارد البشرية والتدريب
» دورات الموارد البشرية والتدريب
» دورات البيئة وسلامة الغذاء
» دورات الدفاع المدني ومكافحة الحرائق